Adviser to CM in CBI a complaint thehluh dan Zoram mipuite hrilh

by News Editor

Tualchhung News

ZORAM TODAY| 25th January, 2026: Zanin khan Adviser to Chief Minister pakhat TBC Lalvenchhunga, Aizawl West 1 bialtu MLA nibawk chuan social media- a facebook account kaltlangin Central Bureau of Investigation (CBI) hnena complaint/ FIR thehluh dan Zoram mipuite a hrilh.

TBC Lalvenchhunga chuan, CBI (Central Bureau of Investigation) hnena FIR thehluh dan heti hian a ziak a.

"Mizoram sawrkar in general consent a pek tawh avangin heng a hnuaia tih dan enge maw ber hmang hian CBI ah hian complaint / FIR a thehluh theih a ni," tiin.

"Mahni Inlan (in person) : Mizoram ah dedicated Branch a la awm loh avangin Guwahati Zone hnuaia office ah mahni kalin theh luh theih a ni"

"Lehkhathawn (by post/ fax) : Ziakin document kaihhnawih nen thehluh theih a ni," a ti bawk a.

"Online (Website hmangin) : CBI Website a Submit tip hmangin thehluh theih reng a ni. Link: https://cbi.gov.in/submit-tip..

Email hmangin : Corruption emaw cyber crime bikah hemi email address hmang hian document behchhan nen thehluh theih a ni. icchqdelhi@cbi.gov.in,"

Adviser to CM chuan, Hming lem emaw address felfailo hmanga thehluh erawh pawm a ni lo," a ti bawk.

He a thu post hi comment tu an tam hle a, social media ah zanin titi luahtu ber a ni.

Tunhnaia Lengpui Airport bula Indian Airforce in ram a lei chungchang ah eptu party MNF te chuan thil fello a awm nia ngaiin CBI chu he ram in lei dan chhui chianga hmala turin ZPM sorkar an phut mek a. A ṭul anga hmalak an tum thu nimin khan an tarlang.